Jakòs tak przëszed czas ù mie na to, bë w kùńcu pòrobic przë swòji ( 
he, në jo, przë jedny ze swòjich, a swòji to le blós z nôzwëska) internetowi starnie. Adresã jô ju miôł rëchli zamówioną, le jakòs czasu mie nie sygło bë tam zestôwic ùdbë przë jaczich móm robioné, czë téż dali robiã.
Në, jo – dôwno w php nick jô nié miôł ùsôdzone, në to mëszlã sã OK, zrobiã ë sfòrmatëjã zwëczajno w CSS bë zamkłosc rozparłãczëc òd wëzdrzatkù. Wszëtkò pòszło gładkò, testë wëzdrzatkù na róznëch òperacjowich systemach ë przezérnikach téż ë móm to òpùblikòwóne.
A w niedzélã jô bëł ù kùzynczi òd mòji białczi, sedzã z ji chłopã ë sprôwdzóm ù niegò starnë na Visce (sóm tegò diôchelstwa nié móm) ë widzã, że mie sã w tim szice z tegò zrobił prôwdzëwi Cascading Style Sheets !!! 
. Pòzachòdzëłe wszëtczé lédżi na se.
Generalno to nié móm w zwëkù feste szkalowac na MS, le pò tim co jô ùzdrzôł, to mie szlak trôfił zwëczajno. Ti pùrtce mielë ju wiedno problemë ze wspiarcã dlô CSS (ò CSS2 nié gôdóm ju wcale).
Në le co sã miało nibë zmienic w filozofijë firmë, co trzëmô sã za “kreatora sztandardów” ?
Pò prôwdzë nick!
W kaszëbiji , móm ju czile lat nazôd pisóne, że nôlepszé wspiarce dlô CSS to dało w IE 5.5 ë do teò jesz w jegò wersëji na Maca, në ë gwës tak téż òstało.
Gratulëjã jima Vistë, bò taczégò “gniota” ùsôdzëc to je pò prôwdzë kùnszt prôwdzëwi. Nôgòrszé je w tim równak to, że lëdze tegò brëkùją ë trza sã za tim téz czérowac. Przedôwóné je to paczétach z wieloma kòmpùtrama ë jak narô to chòba le we Francëji mòże wëdostac dëtczi nazôd òd distribùtorów jak sã nie chce miec razã z kòmpùtra Windowsa. Tak przënômni móm czëtóné ò procese jaczi jednen chłop z francësczi Nordë wëgrôł z chòba Acerã (a mòże téż Asusã) co nié chcôł miec ti “snôżi” systemë ë terô mùszą mù dëtczi dac za niã nazôd. Proces dérowôł równak cos kòl dwóch lat .
gratuluję w końcu autorskiej strony! Tak to już jest, że szewc zazwyczaj bez butów. Lista twoich projektów, patrząc przez pryzmat promocji jęz. kaszubskiego, robi naprawdę wrażenie.
A co do CSS – kilka razy próbowałem sam ustawiać style w różnych drobnych projektach, ale efektem było nadmierne używanie słów uznawanych powszechnie za obraźliwe (pod adresem IE). Teraz jak jestem w potrzebie, po prostu korzystam z pomocy ludzi, którzy się na tym znają…
A która wersja IE montowana jest w Viście?
Dzãka za dobré słowa. Lësta nie je jesz fùlwôrtnô – mùszã jesz czile dodac, chòc nie je tegò wiele, a gwës ze dwa przemilczã
Wiész jak je, jak sómi nick nié bãdzemë robic, to za naji nicht tegò nie ùsôdzy.
W Visce je chòba wersëjô IE7 – jezlé to je nônowszi òd nich przezérnik. Móm to ju zmienioné ë je ju OK, chòc jeden efekt jô mùszôł pòcësnąc. Generalno tow wiém, że mòże wszëtkò dopasowac, le mie sã zwëczajni nie chce w tim grzeba
. Nie trzëmanié sã sztandardów ë wëmùszanié swòjich (nôgłosniéjszô slédno je gwës sprawa OOXML) je doch dobijającé. A sigło bë doch kąsk dopracowac swòje prodiktë (tuwò n.p. IE) ë lëdze bë ju jinaczi na nich wzéralë.
Pòzdrówczi
Mark